الصفه الاولى
اللسان
البنت المصريه ربنا واخد منها كل حاجه ومديها لسان زى الحربايه_ والعياذ بالله_
لو فكرت انك تتريق على واحده اكيد مش هتسلم من لدغتها _ يلا تستاهل_
وخاصه لو كانت عامله التحجيبه سبانش _ احذر من دول _
الصفه التانيه
الغرور
البنت من دول تلاقيها مناخيرها فى السما _ على ايه يعنى _
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها
تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا وماشى انت جنب نانسى عجرم
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا
يا دوب بس تحسسك ان فى كائن جنبك
تعالى بقى فى كليات العملى ذى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لها علشان متتنكش عليك طبعا
هتبدأ بقى تسألها عن محاضره وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _
ناس تنرفز والله يا اخى
الصفه التالته
الشياكه
الشهاده لله يعنى البنات دلوقتى بيهتموا بنفسهم اوى
يعنى لو تفتكر فى اول سنه فى الكليه البنت بتدخل وكأنها هتشوف عريس
طبعا كلكوا فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه
يعنى ممكن لولا قدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا
يمكن يا عم متتشائمش :
متفهمش يا اخى الستات والبنات بيغيروا من الرجاله كدا متفهمش ليه
على اساس يعنى انهم ولاد ناس وانتم ولاد .......................
ناس تانين ؟
الصفه الخامسه
الاجتماعيه
البنت المصريه اجتماعيه بدرجة جيد جدا
فى ثانيه كدا تلاقيها رمت ودنها فى اى حوار ومتسيبوش الا لما تجيب اخره
وطبعا بأجتماعيتها دى بتعرف تجيب اطراف الموضوع من كل الناس وده برضه يندرج تحت
اللسان ومش عارف ليه مفيش موضوع الا لازم تتدخل فيه