لو سالتك ايه اكتر حاجة مشهور بيها الشعب المصرى
ح ترد تقول ايه ؟
اقولك انا
ح تقول خفة الدم
حاجة غريبة فعلا ..ظاهرة مش عارف ليه السبب..
جايز جينات الشعب ده فية جين هو المسئول عن افراز الغده السخسخية
ولا احتمال يكون الاكل هو السبب
تفتكرو الفول ليه دخل بالموضوع
جايز البيئه عليها عامل...؟
على اساس اننا عندنا نيل وايشى بحر احمر وايشى بحر ابيض ودلوقتى كمان بقا عندنا بورتو
ايشى بورتو سخنه ...و بورتو دافيه..و بورتو فاترة
مش عارف ..
بس اللى عارفه كويس
اننا
كل حاجة فى حياتنا نكتنا عليها
فى الحرب ..فى السلم ..
فى 67 حولو اغنية شادية قولو لعين الشمس ما تحماشى.. احسن حبيب القلب راجع ماشى
خلوها قولو لعين الشمس ما تحماشى احسن جيش عبد الناصر راجع ماشى
فى المصايب والكوارث..
فى الزلزال ..و الدنيا مطربقة ...
قالو ده كان اتنين صاعيده بينطو الحبل
حتى فى صفر المونديال ..قالو نكت
كل حاجة نكته او قفشة..
حتى الكلام ليه مصطلحات غريبة بتطلع كل يوم
حكرته
سنجفه
طحن
دماغ
افتكاسه
كلام كتير طلع امتى وازاى محدش عارف
طب الصور دى ممكن تلاقيها فى اى حته تانية غير مصر؟؟؟
لا وكاتب امضاء حسن ابو على..قال ياعنى اصدر باين عسكرى
شعب ابن نكته صحيح
العربية دى ممكن تمشى فى اى مكان بالعالم كده..دى ماشية من غير ماتور
اللى جواها بيزقوها برجليهم من تحت
طبعا فى كل بلاد العالم توقف التاكسى عشان تركبها الا هنا توقف التاكسى
عشان يسقيك
هو لو جدع يجيب حامل شيك للقولة ..حاجة كده زى حامل الموبايل
&&&
الصورة الجاية بقى
عايزكم تنشروها للعالم كله
عايز العالم يعرف حنيه الشعب المصرى
احنا م بنفرقش بينا وبين بعضينا
حتى بينا وبين الحيوانات
واخده فى حضنه وماشى
ياسلام على طيبة قلبك
ياسلام حنيتك ورقتك..تييجة ست برجيت برضوا تتعلم مننا الرفق بالحيوان
عندهم فى بلادهم فى خرفان بتسوق وبتاخد البنى ادمين وراها
عندنا بقى فى مصر
ايووووووووووووه
ح افضل طول عمرى اقول العلم
لازم نتعلم ..لازم نتطور ..ده الحل الوحيد..عشان نحصل جيرانا اللى سبقونا
ب 50 سنه على الاقل
الصورة اللى جاية ..انسان مصرى بسيط..عمل تطور تكنولوجى فى سيارة الركوب
طبعا التطور ده لو فى بلد تانى ..كان زمان صاحب العربية بيستلم جايزة نوبل دلوقتى
فى الفانوس النووى
الراجل استعاض عن الفوانيس الخلفيه بعلبه فاين فير على اليمين و جرنال الوسيط ع الشمال
ياعنى لو جالك انفلونزا الخنازير وانت فى سيارتك تمد ايدك فى فانوس السيارة اللى قدامك
و ابقى امسح ايدك فى الوسيط
تكنولوجيا ..تكنولوجيا ..بس مش عارف محطش حاجة فى الشكمان ليه
&&&
ح اركن يعنى ح اركن ده شعار المرحلة القادمة
يا عيني علي الدماغ
بصو بصو
خد دي عشان مدخلش وايدي فاضيه
يارب يعجبكم الموضوع